O noso Triatleta na "Lisboa International Triathlon 2011"

Xa regresou.

O noso heroe xa está na casa ao coidado dos seus.

Un ano máis continua impresionándonos a todos e todas, deixando os nosos esforzos deportivos moi por debaixo dos seus. Efectivamente, o noso Triatleta participou con éxito no “Lisboa International Triathlon 2011", tal e como demostran os seus resultados.

A natación (1.900 metros), o que máis medo lle da e onde máis golpes recibe, foi rematada cun tempo magnífico: 0:34:26. A bicicleta (90 km.), onde máis se preparara 2:54:16, uns dez minutos por encima das súas capacidades físicas pero todos sabemos que contra unha avaría da máquina nada se pode facer. E, na carreira (21,1 km.), amosou o seu poderío facendo un tempazo ao rematar a media maratón en 1:35:55. O seu posto final foi 246 sobre un total de 650 triatletas tras 5 horas e dez minutos de esforzo continuado.

Estamos impresionados pola súa capacidade de adestramento, polo seu bo nivel competitivo e polo seu esforzo e capacidade de sufrimento. PARABÉNS CAMPIÓN.